A lenda do Mosteiro de Santo Estevo

No corazón da Ribeira Sacra, interior de Galicia onde se atopan os ríos Miño e Sil, agóchase entre un manto de verde arboreda o Mosteiro de Santo Estevo. Hoxe en día o Mosteiro é un fermoso Parador, pero coma sempre, a xente do pobo lembra antigas lendas que o preceden e  o fan ver dende outra perspectiva. Así pois vouvos contar a que eu coñezo:

Remontámonos ó século X, dentro dos cláustros que foran construídos  nos séculos VI ou VII, cando o mosteiro estaba baixo a autoridade do abade Franquila. 

Cóntase, que nas catacumbas que residen baixo o mosteiro, dorme unha antiga lenda ou conto para os máis excépticos. A miña nai tivo a sorte de poder visitalas polo seu traballo, pero aínda hoxe non están abertas ó público..

Ela foi quén me contou o sinistras que estas son, e o labirínticos que son aqueles corredores subterráneos, mais foi unha velliña do lugar a que me relatou aquela lenda tan curiosa:

No mosteiro residía un monxe que levaba vida relixiosa dende os seus 18 anos, que segundo contan, unha noite ao mes saía as agachadas do edificio a través das catacumbas para atoparse cunha muller.

Tampouco era de extrañar moito este comportamento, agás que de un día para outro o monxe deixou de encontrarse con aquela muller e foi ela a que decidiu adentrarse nas catacumbas do mosteiro para atopalo. Días despois atopouse á muller morta naquel labiríntico lugar, e para a nosa sorpresa, era unha monxa dun convento que se sitúa a uns sete quilómetros do lugar.

A velliña dixo, que ambos relixiosos coñecíanse dende novos, e que a monxa tivo que levar aquela vida pola obriga da súa familia. Sen embargo, o rapaz fíxose monxe ó perdela a ela, rexeitando todo tipo de vida con outras mulleres.

Pode que sexa unha de tantas invencións da xente, ou pode que sexa unha de tantas historias de amor.

Aquí vos deixo algunha fotografía do mosteiro, para que deixedes voar a vosa imaxinación.

 

Rosa María Ruíz Gómez

Alumna de 1ºBac.D