14/05/2013
04/12/2012
12/04/2012
O POEMA DA SEMANA
DEITADO FRENTE Ó MAR...
Lingua proletaria do meu pobo
eu fáloa porque si, porque me gusta
porque me peta e quero e dáme a gana
porque me sae de dentro, alá do fondo
dunha tristura aceda que me abrangue
ó ver tantos patufos desleigados,
pequenos mequetrefes sen raíces
que ó pór a garavata xa non saben
afirmarse no amor dos devanceiros,
fala-la fala nai,
a fala dos avós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.
Eu fáloa porque si, porque me gusta
e quero estar cos meus, coa xente miña,
preto dos homes bos que sofren longo
unha historia contada noutra lingua.
Non falo prós soberbios,
non falo prós ruíns e poderosos,
non falo prós finchados,
non falo prós estúpidos,
non falo prós baleiros,
que falo prós que aguantan rexamente
mentiras e inxustizas de cotío;
prós que súan e choran
un pranto cotián de bolboretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ó mar, ise camiño...
CELSO EMILIO FERREIRO
(Celanova, 1912 - Vigo, 1979)
29/03/2012
FALLO CONCURSO DE CÓMICS
O xurado do I Concurso de Cómic, acordou conceder os seguintes premios:
1º premio :Sarai Losada Santamaría. 1º ESO B
2º premio: Uxía Nóvoa Vázquez. 1º ESO D
3º premio: Lola Calvino Puertas. 1º ESO C
O Xurado felicita aos gañadores e comunica que a entrega de premios terá lugar en datas próximas. Tamén agradece a ampla participación rexistrada, especialmente polos alumnos de 1º e 2º de ESO, que elaboraron cómics de gran calidade.
Todos os cómics presentados están expostos na biblioteca e convidamos a todos a que visitedes a exposición.
1º premio :Sarai Losada Santamaría. 1º ESO B
2º premio: Uxía Nóvoa Vázquez. 1º ESO D
3º premio: Lola Calvino Puertas. 1º ESO C
O Xurado felicita aos gañadores e comunica que a entrega de premios terá lugar en datas próximas. Tamén agradece a ampla participación rexistrada, especialmente polos alumnos de 1º e 2º de ESO, que elaboraron cómics de gran calidade.
Todos os cómics presentados están expostos na biblioteca e convidamos a todos a que visitedes a exposición.
07/03/2012
TODA A LINGUA GALEGA NO TEU PETO
GalApps son unha suite de aplicacións de lingua galega para móbiles.
Concretamente, as ferramentas son: ConxuGalego, DicionarioGalego e TradutorGaleto, todas elas integradas na suite GalApps, Toda a Lingua Galega no teu Peto. Permiten conxugar verbos en galego, buscar o significado de termos galegos e traducir textos do galego ao español, catalán, inglés ou francés, e viceversa. Deste modo, a nosa lingua é a primeira en dispor dun feixe específico de aplicacións para as dúas plataformas móbiles.
Os autores son Sabela Barreiro, Xurxo Méndez e Juan Porta
As aplicacións pódense descargar gratuitamente na AppStore de Apple e no AndroidMarket.
Concretamente, as ferramentas son: ConxuGalego, DicionarioGalego e TradutorGaleto, todas elas integradas na suite GalApps, Toda a Lingua Galega no teu Peto. Permiten conxugar verbos en galego, buscar o significado de termos galegos e traducir textos do galego ao español, catalán, inglés ou francés, e viceversa. Deste modo, a nosa lingua é a primeira en dispor dun feixe específico de aplicacións para as dúas plataformas móbiles.
Os autores son Sabela Barreiro, Xurxo Méndez e Juan Porta
As aplicacións pódense descargar gratuitamente na AppStore de Apple e no AndroidMarket.
23/02/2012
Contáxiate
Vídeos de Manuel Núñez Singala e Manuel Bermúdez Blanco que mediante os recursos da linguaxe publicitaria promoven o emprego da lingua galega entre a xente moza.
16/02/2012
11/01/2012
DESDE SERBIA EN GALEGO
Neste vídeo vemos a unha rapaza serbia cantando en galego "Lela" e "Negra Sombra"
Sobran as palabras!
Suscribirse a:
Entradas (Atom)